မိုးကြီး ရေလျှံ၍ ကရင်ပြည်နယ်တွင် ကယ်ဆယ်ရေး စခန်း ၃၁ ခု ဖွင့်ရ
အခုရေကြီးတဲ့အဖြစ်အပျက်က သံလွင်မြစ်တလျှောက်နှင့် ကရင်ပြည်နယ်အတွင်း နေထိုင်တဲ့လူတွေကိုအားလုံးအတွက် နမူနာသင်္ခန်းစာ တစ်ခု ပေးလိုက်သလိုပါပဲ။ ယခုဖြစ်နေတာက သဘာဝဘေးအန္တရယ်တွေပဲဖြစ်သေးတယ်။ သံလွင်မြစ်တလျှောက်မှာ တည်ဆောက်ကြမည့်ရေကာတာတွေဖြစ်မြောက်သွားရင် ဒီထက် အဆပေါင်းများစွာ ဆိုးဝါးမယ်ဆိုတာ အခုကတည်းကိုကြိုတွေးထားကြပါ။ ကရင်ပြည်နယ်ဟတ်ကြီးရေကာတာ၊ ကရင်နီပြည်နယ်၊ ရှမ်းပြည်နယ်တွေမှာလည်း အစသဖြင့်တည်ဆောက်မည့်ရေကာတာအားလုံးဟာ မြစ်ရိုးတစ်လျှောက် နေထိုင်တဲ့သူတွေကို တစ်နေ့ မဟုတ် တစ်နေ့ ဒုက္ခလှလှကြီးပေးမည့် လူတွေဖန်းတီးတဲ့ ပြသနာတွေကြီးပဲဆိုတာ ကြိူတင်မြင်နိုင်စွမ်းရှိစေချင်တယ်။ငါတို့ ဘားအံ့မှာနေတယ် ငါတို့ အောက်ပိုင်းမှာနေကြတယ် ဟိုးမှာတည်ဆောက်မည့်ရေကာတာတွေ ငါတို့ နဲ့ မဆိုင်ဘူးဆိုပြီး နှုတ်ပေးငြိမ်နေကြရင် အခုကြုံတွေ့ နေရတဲ့ ရေကြီးမှုဒုက္ခနမူနာတွေ ထက် အဆပေါင်းများစွာကြီးမားတဲ့ဟာတွေကို တနေ့ ပြန်ရင်ဆိုင်ကြရမယ်။ သံလွင်မြစ်တလျှောက်နှင့် မြစ်နှင့်ဆက်စပ်တဲ့ မြေနိုပ်ပိုင်းအားလုံးမှာ နေထိုင်ကြတဲ့ ပြည်သူအားလုံး အထူးသဖြင့်ကျနော်တို့ တိုင်းရင်းသားတွေ ဗမာအစိုးရနဲ့ တိုင်းတပါးကုမ်ပဏီတွေတည်ဆောက်မည့်ရေကာတာ စီမံကိန်း အားလုံးကို ပြတ်ပြတ်သားသား ၀ိုင်းဝန်းကန့် ကွက်ကြပါလို့ တိုက်တွန်းလို တယ်။ ဟိုးကချင်ပြည်နယ်မှာတည်ဆောက်မည့် ဧရာဝတီမြစ်ဆုံရေကာတာကို အောက်ပြည်အောက်ရွာမှာ နေတဲ့ ဗမာတွေ ပါးစပ်ပိတ်ပြီး မနေကြဘူး ဆိုတာ ဘယ်လို ဆန့် ကျင်လှုပ်ရှားတယ်ဆိုတာ အတုယူကြပါ။ သံလွင်ရေကာတာတွေ အလှည့်ကျရင် သူတို့ တွေ သူတို့ မီဒီယာတွေ လာအော်ပေးမှာမဟုတ်ဘူး။ ကိုယ့်ကိုယ်ကို ကိုယ်ကိုနှိုက်က မကာကွယ်နိုင်ကြရင်၊ ဘယ်လိုကြိုတင်ကာကွယ်ရမှန်းမသိကြသေးရင်၊ ထုံးစံအတိုင်းပါးစပ်ပိတ်ပြီးနေကြရင် တနေ့ နေ့ မှာကျနော်တို့ တတွေ ရေအောက်မှာ တိတ်တိတ်ကလေး အသက်ရှုလို့ ပဲပြောရမလိုဖြစ်နေပြီ။
xxxxxxxxxxxxxxxxxx
မြတ်စုမွန်
ကရင်ပြည်နယ် လှိုင်းဘွဲ့မြို့ ရေကြီးမှု မြင်ကွင်း (ဓာတ်ပုံ – Nandakyawthu Soe / Facebook)
ကရင်ပြည်နယ်တွင် ရေကြီးရေလျှံမှု ဖြစ်ပွားသဖြင့် မနေ့မှ စတင်ကာ ရေဘေး ကယ်ဆယ်ရေးစခန်း ၃၁ ခု ဖွင့်လှစ်ထားရကြောင်း ဘားအံနှင့် မြ၀တီခရိုင် အုပ်ချုပ်ရေးမှူးရုံးများမှ သိရသည်။
မိုးသည်းထန်စွာ ရွာသွန်းမှုနှင့် သံလွင်မြစ်ရေ စိုးရိမ်ရေမှတ်အထက် မြင့်တက်မှုကြောင့် ကရင်ပြည်နယ်၊ ဘားအံမြို့၊ လှိုင်းဘွဲ့မြို့၊ပိုင်ကျုံမြို့နယ်ခွဲ၊ ကြာအင်းဆိပ်ကြီး၊ ကျုံဒိုးနှင့် မြ၀တီမြို့တို့တွင် စုစုပေါင်းလူဦးရေ ၇၇၉၅ ဦးအတွက် ရေဘေးကယ်ဆယ်ရေး စခန်းများ ဖွင့်လှစ်ထားရကြောင်း သိရသည်။
“ရေက ၈၅၀ စင်တီမီတာကျော် တက်နေတယ်။ လောလောဆယ်မှာတော့ မနှစ်က ရေဘေးအလှူငွေထဲက ပိုတဲ့ရန်ပုံငွေ သိန်း ၁၀၀ ကျော်နဲ့ ဖြေရှင်းပေးနေတယ်။ အခု လူ ၁ ဦးကို တနေ့ကို ဆန် ၂ ဗူးနဲ့ ကြက်ဥ ၁ လုံးစီ ပေးတယ်။ ကယ်ဆယ်ရေးစခန်း တွေမှာ ကျန်းမာရေး စောင့်ရှောက်ရေး ဆေးခန်းတွေ ဖွင့်ပေးထားပါတယ်” ဟု ပြည်နယ် လူမှုရေးဝန်ကြီး ဦးချစ်လှိုင်က ဧရာဝတီသို့ ပြောသည်။
ထို့အပြင် ယနေ့ထုတ် အစိုးရပိုင် သတင်းစာများတွင် “သံလွင်မြစ်ရေသည် ယနေ့နံနက် (ဇူလိုင် ၂၈) တိုင်းထွာချက်အရ ဘားအံမြို့တွင် လွန်ခဲ့သော၂၄ နာရီအတွင်း ၄၉ စင်တီမီတာ (တပေခွဲ) ခန့် မြင့်တက်ခဲ့ပြီး၊ စိုးရိမ်ရေမှတ်အထက် ၄ စင်တီမီတာ ကျော်လွန်နေသည်။ အဆိုပါမြစ်ရေသည် နောက်ထပ် ၄၈ နာရီအတွင်း ၃၀ စင်တီမီတာ (၁ ပေခန့်) ဆက်လက် တက်လာနိုင်ပြီး ယင်းမြို့၏ စိုးရိမ်ရေမှတ်အထက်တွင် ဆက်လက် တည်ရှိနိုင်ကြောင်း မိုးလေ၀သနှင့် ဇလဗေဒဦးစီးဌာနမှ ထုတ်ပြန်ထားသည်” ဟု ဖော်ပြပါရှိသည်။
www.karenkwenews.blogspot.com. This is karen languages.thank u.
ဒုက္ခသည်စခန်းများမှာ ဘားအံမြို့တွင် လူဦးရေ ၃၉၈၅ ဦးအတွက် စခန်း ၁၀ ခု၊ လှိုင်းဘွဲမြို့နယ်တွင် လူဦးရေ ၁၁၁၀ အတွက် စခန်း ၁၂ ခုနှင့် မြ၀တီမြို့တွင် လူဦးရေ ၂၇၀၀ အတွက် စခန်း ၉ ခု အသီးသီး ဖွင့်လှစ်ထားကြောင်း သက်ဆိုင်ရာ ခရိုင်အုပ်ချုပ် ရေးမှူးရုံးများမှ သိရသည်။
ရေကြီးရေလျှံမှုများကြောင့် ဘားအံမြို့တွင် စာသင်ကျောင်းတချို့ ပိတ်ထားရပြီး၊ ဒေါနတောင်တန်းတွင် မြေပြိုမှုနှင့် ကားလမ်း ပိတ်ဆို့မှုများ ဖြစ်ပေါ်လျက်ရှိကြောင်း ပြည်နယ်အစိုးရအဖွဲ့နှင့် မြ၀တီခရိုင် အုပ်ချုပ်ရေးမှူးထံမှ သိရသည်။
ရေဘေး ကယ်ဆယ်ရေးစခန်း ၉ ခု ဖွင့်ထားရသည့် မြ၀တီမြို့မှ ခရိုင်အုပ်ချုပ်ရေးမှူး ဦးတင့်ဝေသုန်က “ ဒီညနေ ၄ နာရီ တိုင်းထွာချက်အရ စင်တီမီတာ ၆၃၀ ရှိပါတယ်။ အခု ထမင်းထုတ်ဝေတာတွေ လုပ်ပေးနေတယ်။ တောင်ပြိုနေတာတွေကို ဖယ်နိုင်ဖို့ အတွက် လိုအပ်တဲ့ စက်ကိရိယာတွေ စီစဉ်နေရတယ်။ ကားတွေကိုတော့ တောင်ပေါ်မှာ ပိတ်မိမနေအောင် ကော့ကရိတ်ကနေ လမ်းပိတ်ထားတယ်” ဟု ဧရာဝတီသို့ ပြောသည်။
ကရင်ပြည်နယ်၊ ကော့ကရိတ်မြို့တွင် ယခုလ မနေ့က တိုင်းထွာချက်အရ မိုးရေချိန်လက်မ ၁၀ ဒသမ ၇၁ လက်မ ရှိကြောင်း အစိုးရပိုင် သတင်းစာများတွင် ဖော်ပြထားသည်။
ထို့အပြင် နောက်နှစ်ရက်အတွက် ခန့်မှန်းချက်အရ မြန်မာနိုင်ငံအရှေ့ပိုင်း ဒေသများတွင် ပိုးပိုလာနိုင်ကြောင်း မိုးလေ၀သနှင့် ဇလဗေဒ ညွှန်ကြားမှု ဦးစီးဌာနက ခန့်မှန်းထားသည်။
ထိုင်း-မြန်မာ နယ်စပ် သောင်းရင်းမြစ် ရေလျှံသောကြောင့် ထိုင်းဘက်ခြမ်းတွင်လည်း ထောင်နှင့်ချီသော လူများ ရေဘေးလွတ်ရာ တိမ်းရှောင်နေရပြီး နှစ်နိုင်ငံ နယ်စပ် ကုန်သွယ်ရေးလည်း ရပ်နားထားရကြောင်း ထိုင်းကုန်သည်ကြီးတဦးက ပြောသည်။
ထိုင်းနိုင်ငံ ဇလဗေဒဌာန၏ သတင်းထုတ်ပြန်ချက်အရ လာမည့် ၃ ရက် ဆက်တိုက် မိုးဆက်ရွာမည်ဖြစ်ကြောင်း၊ ထို့ကြောင့် ရေဘေး ဒုက္ခသည်များ အိမ်မပြန်သင့်သေးဘဲ စောင့်ဆိုသင်းသင့်ကြောင်း အသိပေးထားသည်ဟု သိရသည်။
No comments:
Post a Comment